|
| |
| |
| |
De Afcompste der Guesen.
Verhueght u, mijn kinders, die my subject zijt,
Als Saul hooveerdich wilt verjubileren,
In 't bemerken mijns afcomsten, die gheheel incorrect zijt,
Jeghens Ste Pieters stadthouder in 't quaet verwect
zijt.
Caïn was mijn eerste vadere in 't genereren,
Met Ismaël in boosheit wilt triumpheren,
Met Balaams wercken laet u bevlecken,
Met Joab, uwen broedere, wilt ruyneren,
Met Esau u versteent herte doet u ontdecken,
Met Sodoma wilt de nonnen tot de oncuyscheit verwecken,
Met Chore, Datan ghebruyct 't nieuwe offerande,
Met Absalon wilt nijdt teghen u vader strecken,
Met de Israëliten u hueverste brynght die ter schanden,
Met Iesabel wilt bloet sturten in alle landen,
Met Pharao veracht Gods woort t'allen termyne,
Met Achab werpt Gods priesters alomme in banden;
Dit 's
Calvinus afcompste en der Guesen
lyne.
Met Babel noempt die rechtveerdighe alom verraders,
Met Ieroboam keert al omme die wet des Heeren,
Met de Dagonisten weest dueght versmaders,
Met Andronicus om moorden weest gheen beladers,
Met de Dansers wilt druck in vrueght verkeeren,
Met Solmolac wilt
Calvinus struyck vermeeren,
| |
| |
Met de Astarothyten zijt de Papauwen vercleenende,
Met Mammon brynght de rechtveerdighe in 't verzeeren,
Met de Giganten maect wedewen en weesen weenende,
Met Sisera zijdt dlandt oorloghe verleenende,
Met Vasta hooveerdich en wilt niemant obedieren,
Met valsche rechters zijt Susannam steenende,
Met Balthazar wilt kercken en cloosters pillieren,
Met Antiochus en wilt niet d'helighe daghen vieren,
Met Manasses veracht Gods heilighen ten fyne,
Met Nabugodonosor wilt u zelven vercieren;
Dit's
Calvinus afcompste en der Guesen
lyne.
Met de Ipocriten en Sarasynen wilt de liefde vercauwen,
Met vercierde graven leght u uutwendich schoon,
Met de blende laet den zienden den wech benauwen,
Met de lueghenen willen wy ons rijcke op hauwen,
Met blasphemien laet nu weeren Gods kilct idoon,
Met gheveynsde helicheit zouct 's weerelts loon,
Met Iudas giericheit stelt u te labuere,
Met quaet voor goet te gheven en maect u niet te noon,
Met veinsterclemmers verdruckt die gaen deur de deure,
Met grypende wolfven vercleet de schapen natuere,
Met dieren ghelde vercoopt Gods woort playsant,
Met
Arrius raet helpt d'onnoosel t'alder
huere,
Met achterclap wijst paus en priesters verhandt,
Met vleesch liberteit werct den rauwen gheest constant,
Met slangen-gheslachten werpt den aermen in pyne,
Met de Mennoniten vult u kisten vaillant;
Dit's
Calvinus afcompste en der Guesen
lyne.
| |
| |
Princelicke prince, en wilt ons wet niet verminderen,
Met
Basa wilt alomme dooden die
propheten,
Met
Ioannes Hus wilt Gods kercke
hinderen,
Met
Zwinglius zijt alle qua kinderen,
Met den Calvinisten deckt Gods secreten,
Met
Marten Luyter wilt u vermeten
Met raet menich dusent boeren te bringhen an den hals;
Met gheveynsde liefde dect u feninighe beten,
Met
Hermannus,
Datenus, deur leeringhe valsch,
Met loosen upstelle verraet vlaems, duyts en wals,
Met den Amiral en
Condé sturt bloet boven maten,
Met mijn discipels maect te Ghent veel gheschals,
Met boosheit weert raet, gouverneur en staten,
Met
Nassauwe bedriecht alle gheestelicke
prelaten;
Boven al veracht den paus ghestelt van God divine,
Oft anders zouden wy ons rijcke moeten laten;
Dit's
Calvinus afcompste en der Guesen
lyne.
Gheschreven uut Babel met
Calvinus eyghen hant,
Aen u, Date, upperste bisschop mijns rijcx ghepresen,
Biddende vermaent u 's volcx ministers en blijft constant,
Zoo werdy met my ter hellen verwesen.
|
|
Auteursrechtvrij