Parnassus, dat is den Blijen-bergh
(1623)–Anoniem Parnassus, dat is den Blijen-bergh–
AuteursrechtvrijOp de wijse: O Nachtegael in’t wilde.Ghy droeckaers principale,
Minnaers van het goet bier,
Een droefelijcke quale
Sal ick u singhen hier.
| |
[pagina 122]
| |
Maeckt van u potten scherven
Die dick sit op de banck
Het goet bier dat moet sterven.
Want het wordt veel te cranck.
De coren-coopers ghierigh
Gaen proncken alsoo breedt;
Haer jonghe vrouwen cierigh
Gaen gheren fray ghecleedt.
Sy en willen niet derven
Haer schoon cieradigh blanck
Dus moet dat goedt bier sterven, Want, &c.
De molenaers sonder falen
Doen hem oock groot ghequel;
Als sy de granen malen
Sy scheppen diep en wel.
Sy soecken goet en erven,
Dus singh ick mijnen sanck,
Het goet bier dat moet sterven, Want, &c.
De brouwers seer hoochmoedigh
Sy drincken gheren wijn,
Het water overvloedigh
Putten haer knechten fijn
Daer mede sy bederven
En maecken t’sopken lanck,
Dus moet dat goet bier sterven, Want, &c.
De schippers die’t ons brenghen
En zijn oock hier zoo slecht,
Men moet sonder verlenghen
Betalen wel haer recht;
Sy soecken te verwerven
Schip loon naer haeren danck,
Dus moet het goet bier sterven, Want, &c.
De tappers sonder flouwen
Weten practijcken siet
Sy konnen oock wel brouwen
Al zijn sy in’t Ambacht niet
| |
[pagina 123]
| |
Sy schrijven en sy kerven
Betaelt wordt hunnen ganck,
Dus moet dat goet bier sterven, Want, &c.
Prince hoe kanmen prijsen
Die accidenten vlouw,
Imposten en accijsen
Sy maecken ‘tbier zoo flouw
Ten zy deur goede conserven
Silver van claer gheclanck,
Het goet bier dat moet sterven.
Want het wordt veel te cranck.
N.I. |
|