Parnassus, dat is den Blijen-bergh
(1623)–Anoniem Parnassus, dat is den Blijen-bergh–
AuteursrechtvrijOp de wijse als’t beghint.Maria schoon mijn seer excellente persoon,
Mijn hert u lof te singhen pooght
Der maeghden croon;
Warachtigh Salomons troon
Naer mijn ghebedt u ooren booght
En u groote bermhertigheydt tooght.
Dat ick uwen dienaer
Hier mach prijsen eenpaer
V deughden seer claer
| |
[pagina 23]
| |
En u weghen eerbaer
Mijn hert tot u verhooght
En my van alle sonden drooght.
Godts moeder reyn
Een maeght der maeghden certeyn
Duyfken van Noe seer ghetrou,
V macht met cleyn
Thoont ons doen alle ghemeyn
Troost ons altijdt in onsen rouw.
Want ghy zijt die seer waerdighe vrouw
Wiens saet excellent mijn heeft dat helsch serpen
D’welck ons bracht in rotment,
Heel verplet en gheschent.
Naest Godt ick op u bouw
Wilt my doch helpen naer betrouw.
Zee-sterre claer, boven die hemelsche schaer
Doren die Moyses branden sagh,
Ghy zijt veurvaer
Den sijnen gouden autaer,
Die goeden reuck te gheven plagh,
Want dit weerdighe vrucht in u lagh.
Wiens raden seer goet,
Wiens daden seer vroet
Van’t helsche ghebroet
Sonder schaed’ ons behoet.
Hy helpt ons deur sijne cracht,
Ende verdrijft der sonden macht.
Des levens hout mijn spiegel suyver sonder fout,
Leere die Iacob heeft sien staen,
Slachorden stout
Verwermt ons hert cout,
Leert ons den rechten wegh in gaen
Want ‘tis al u macht onderdaen;
Godt den Vader u mint,
Godt den sone is u kint,
Den heylighen Gheest is u vrint,
| |
[pagina 24]
| |
Al den Hemel v dient,
Den vyant op de baen
Moet veur v aenschijn vlieden gaen.
Prince.
Princersse groot, helpt ons ten uytersten noot
Teghen des vyants quaet ghetier,
Uyt sijnen poot,
In uwen heylighen schoot
Neemt ons in’t lest groot dangier:
Vwen lof verbreyden wy hier,
En wy bidden met sanck
Wilt doch nemen in danck,
Onse jonste is cranck,
Die wy sonder bedwanck,
Toonen met blijschap hier,
Tot u Maria uyt liefde fier.
A.I. |
|