Oud-Vlaemsche liederen en andere gedichten der XIVe en XVe eeuwen

XCIII. [Nature haet in mich so ghewracht]

Nature haet in mich so ghewracht
Das ich met steiden bem bedacht
Tsoe dinen dienst, troutzaerte reine,
Wes icht beweine.
Lijf ende goet met ganser macht
Es dijn alleine.
Vor di negheine
Sekerlijch,
Das hueghet mych,
Up minen heit, vrauwe duechdenrijch,
Ghelooft das ich met truwen meine.

Venus danc hebbe dijn zuetse cracht,
Mijn hertze aenstu daer tzoe ghebracht
Das ich ne creech so lief nye eyne
Als di alleine.

Nature haet in mi so ghewracht
Das ich met steiden bem bedacht
Tzoe dinen dienste, troutzaerte reine,
Wes icht beweine.

[p. 166]

 

Al mijn ghedinken dach ende nacht,

 

Dats al om dir, so wie mijns acht,

 

Saltuus verghessen, souvereine,

 

Das huecht mi cleine.

 

Trout, liefste vrauwe, mijn liden zacht,

 

Rechts gonst ghemeine.

 

Gheen troost mich leine,

 

Das gan ich dych,

 

Wes vruechden rijch

 

Dijn stridicheit ghelievet mych,

 

Des dankich dich, lief zuese reine.

 

 

 

Nature, enz.