Oud-Vlaemsche liederen en andere gedichten der XIVe en XVe eeuwen

LXXVII. [Sich vor dich, ghetrauwe man]

Sich vor dich, ghetrauwe man,
Die goeder minnen niet ne can
Becliven;
Blijfstuder an, so moetsu dan
Bedroghen bliven.

Seikerlijch, die di wael jan,
Hi sal di endelich der van
Verdriven.

Sich vor dich, ghetrauwe man,
Die goeder minnen niet ne can
Becliven.

Hoor ende zich, du merkes an,
Dat trouwe selden troost ghewan
Van wiven;
Ende trauwe ende minne es een ghespan
So wise scriven.

Sich vor dich, ghetruwe man.