Oud-Vlaemsche liederen en andere gedichten der XIVe en XVe eeuwen

LXX. [Adieu, mijn troost, mijn liefste reine]

Adieu, mijn troost, mijn liefste reine,
Van u te sceiden es mi leit;
Mijn herte blijft met u ghemeine.
So waer ic zi, hoet mi vergheit,
In ghere niet dan ghestadicheit.

[p. 137]

 

Up minen heit mijn vruecht es cleine

 

Als ic u niet bi en weit;

 

Du best mijn liefste ende liever gheine!

 

Adieu, mijn troost, mijn liefste reine,

 

Van u te sceiden es mi leit;

 

Mijn herte blijft met u ghemeine.

 

 

 

Nu biddic Gode dat hi u seine

 

Vor aerch, vor al onreinicheit,

 

Soete lieve souvereine,

 

Ne sijt mi nummer onghereit;

 

In ghere niet dan ghestadicheit.

 

 

 

Adieu, mijn troost, enz.