Oud-Vlaemsche liederen en andere gedichten der XIVe en XVe eeuwen

[p. 136]

LXIX. [Wien doet verlanghen meerre pijn]

Wien doet verlanghen meerre pijn
Dan hem, die moet van lieve zijn;
Want hem niet el ghenoughen can.

Mijn alderliefste wijflic scijn,
Naer u verlangt die herte mijn.

Wien doet verlangen meere pijn
Dan hem, die moet van lieve zijn.

So waer ic bem: mijn herte es dijn,
Blijft mi ghestade in trauwen fijn;
Sone mach ons deren wijf no man.

Wien doet verlanghen, enz.