Oud-Vlaemsche liederen en andere gedichten der XIVe en XVe eeuwen

[p. 127]

LIX. [Nieuwe jaer, du brincs ons vruechden in]

Nieuwe jaer, du brincs ons vruechden in,
Nu willic minnens doen beghin;
Daer toe so dwinct mi herte ende zin,
Tzoe einen reinen beilde,
Die mi so lieflic teilde.

Hertze ende zin ende wes ich bin,
In can haer niet ghegeven min;
Want mi des nie ver verveilde.

Nieujaer,du brincs ons vruechden in,
Nu willic minnens doen begin;
Daer toe so dwinct mi herte ende zin,
Tzoe einen reinen beilde.

Mochtic haers troost noch doen bekin,
Daer voren coric gheen ghewin,
Mijn heil, mijn troost, mijn cheraphin,
Mijn hertze nie ne speilde
Dan in dijnre weilde.