Oud-Vlaemsche liederen en andere gedichten der XIVe en XVe eeuwen

XLII. [So wie bi nachte gherne vliecht]

So wie bi nachte gherne vliecht,
Hi slacht den huwerhane,
Die hem sdaechs uten oghen doet.

Ruste ende paeis hem dickent liecht
Van vele bi nachte te gane;

So wie bi nachte gherne vliecht
Hi slacht den huwerhane.

Sijn zanc, zijn roup, dats waen, bedrieght,
Dies scuwet hi zonne ende mane;
Lanteerne ende keeze ware hem goet.

So wie bi nachte gherne vliecht, enz.