Oud-Vlaemsche liederen en andere gedichten der XIVe en XVe eeuwen

XXXI. [Com haer te mi, mijns hertzen vrouwe]

Com haer te mi, mijns hertzen vrouwe,
An dir so staen de zinnen mijn;
Liever wijf ic niewer scouwe,
Laet dir ghenoughen mijn jonslic pijn,
Ende doet mir dinen troost anschijn.

Com haer verdriven minen rauwe,
Als ic aenzie dat anschijn dijn;
Lief, alder liefst, in rechter trauwe
Laet mi dijn alre liefste zijn,
Ende doet mir dinen troost anscijn.

Com haer te mi, mijns hertzen vrouwe, enz.

Com haer, doe das ic vruecht ghelauwe,
Altoos so vinstu mi eighijn,
Lost mi van zorghen, het staet mi nauwe,

[p. 91]

 

Lost mijn jonst in dir hertzen scrijn,

 

Ende doet mir dinen troost anscijn.

 

 

 

Com haer te mi, mijns hertzen vrouwe, enz.