Oud-Vlaemsche liederen en andere gedichten der XIVe en XVe eeuwen

[p. 69]

XIII. [Omoedich, simpel, goedertiere]

Omoedich, simpel, goedertiere,
Minlic wesende in alre maniere
Es die overscone figure;
Reynicheit es in elcker ure
Ghefondeert in haren persoon.
Recht eist dat cranc es mijn loon,
Ic ne dars haer niet ghewaghen,
Eewich willict helende draghen
Tote mi de doot mijn leven verbiet;
Hets recht, in bem haers werdich niet.

Ghenougeliker dan ic iusiere
Es soe daer ic mi up versiere;
Felheit was nie in hare nature,
Trouwe es in haer herte pure,
Minlic, edel, zoete ende scoon
In rechter dueghet sonder hoon;
Doch wil ic haer mijn liden claghen,
In haer so maghic troost bejaghen;
Neemt so mijns ware als so mi ziet,
Confoort wert mi daer of geschiet.