Oud-Vlaemsche liederen en andere gedichten der XIVe en XVe eeuwen

XIV. [Of ic der vrouwen minnentlijch]

Of ic der vrouwen minnentlijch
Hertze ende zin gegheven aen,

[p. 70]

 

Sone willich voort up erderijch

 

Met onsteide niet vorder gaen;

 

Maer ghetrauwelijc vulstaen

 

In al mijn doghen groot ende clein.

 

Dordi allein,

 

Ende anders ghein,

 

So hanich tlast in mi ontfaen.

 

 

 

Soe hout mijn hertze in vruechden rijch,

 

Haer anscijn es so wel ghedaen;

 

Ich wil haer dienen zekerlijch

 

Met trouwen sonder avelaen,

 

Myne houtsi nu ghevaen.

 

Of ic der vrouwen minnentlijch

 

Hertze ende zin, enz.

 

 

 

Wie soudso mi dan doen bezwijch,

 

Mijn hertze en zin di nicht ontgaen,

 

Up erde bestu mijn hemelrijch,

 

Ic dinke om haer wes ich vermaen;

 

Al mijn leit mach si verslaen

 

Met harer zoetzer worden ein.

 

O vrouwe rein,

 

Sijt mer ghemein,

 

Ich blive di eewich onderdaen.

 

Of ich der vrouwen, enz.