Die nuwe brandwag. Tydskrif vir kuns en lettere. Jaargang 1932

Geloof.

NIMIUM NE CREDE.

Probeer nie om te veel te glo nie,

Laat lê maar wat bykomstig is;

Dit was nie só; dit was nie só nie

Dat sondaars van hul redding wis;

Toe, eenvoud-liewend, Hy, hieronder

Die glorie van die gees wou toon;

Wou enkelhartigheid bewonder,

- Nog vry van keiserlike kroon

En onbelemmerd deur die twiste

Waarmee geleerdes disputeer,

En onbenéweld deur die miste

Waardeur hul Hom interpreteer.

En kyk, die vuur gaan seker sterwe

As vlamme voedingstof verloor,

Maar soms ook word sy gloed bederwe

As opgehoopte kool hom smoor.

T.J. HAARHOFF