Die nuwe brandwag. Tydskrif vir kuns en lettere. Jaargang 1931

[p. 38]

Slegs 'n Dag.

'n Westerkim van karmosyn,
'n Skaaptrop na die kraal gekeer,
'n Vesper wat oor verte dein
En dan verdwyn;
'n Dag nie meer!

'n Skepping wat aanbiddend staan,
Haar orison om stil te bly,
Asof daar iemand op sy baan
Nou oor die Lete gaan;
'n Dag verby!

'n Skepping staan in swart gewaad
As lig haar laaste venster sluit,
Haar wese stom met star gelaat,
In eensaamheid verlaat;
'n Dag verstryk!

L.W. VILJOEN.