Die nuwe brandwag. Tydskrif vir kuns en lettere. Jaargang 1931

[p. 34]

Langs Die Wapad.

Diep onder as vergrou
'n Laaste vonkie vuur -
Soos die dowwe naberou
Oor 'n dooie liefdesuur.

'n Speelse windjie stoei
Met die assies van die vuur -
Skarlakenrooi ontgloei
'n Smart wat ewig duur.

Vér slinger die wapad dof
Na die landstreek Wie-weet-waar -
Aan die end van elke skof
Moet ek in my vuurtjie staar!

EITEMAL.