Die nuwe brandwag. Tydskrif vir kuns en lettere. Jaargang 1931

[p. 10]

By die Bouvalle van ou Hellas.

Op die oue, oue mure
Van 'n langvervloë tyd,
Plant die lewe frisse blomme
Aan 'n ewige jeug gewyd.

Onder hierdie puin begrawe,
In vergete slaap gesus,
Het die marmere gedagtes
Van onsterflikheid gerus.

En herbore tree naar vore
Wat nie kon en mag vergaan,
Wat die aarde self bewaar het
Vir onsterflike bestaan.

Dis die dag van weeropstanding,
As al wat groot is, skoon en wys,
Uit die puinhoop van die grafte,
Ewig-roemvol weer verrys.

Op die oue, oue mure
Van 'n sterfelike tyd,
Groei die blomme van die lewe
Aan 'n ewige jeug gewyd.

TH. WASSENAAR.