Die nuwe brandwag. Tydskrif vir kuns en lettere. Jaargang 1930

[p. 184]

Drome.

Drome, soete drome,
Wat ons vlugtend soms besoek,
Waarom is jul kort van duur?
Waarom bly jul half gevorm?

Jare smart- en hoopvol gaan verby
Sonder dat ons daarin slaag
Om ons soetste ideaal
Aan ons boesem te kan druk.

Dan opeens kom daar 'n oomblik
In die stilte van die nag,
Dat die Droomgodin ons hartewens
Medelydend aan ons skenk.

Dan is dit asof die heem'le
Klanke lisp'lend soet neerstort -
Dan is dit asof betoow'ring
Altyd maar die waarheid was.

Is die vreugde van 'n droom -
Maar, helaas! Van korte duur
Want toe ons besit wou neem
Word ons deur die dag gewek!

Kom weer t'rug, o, dierb're droom!
Ek sal wag met oog gesluit;
- Dog die hemel is om na te strewe
In 'n droom nes in die lewe.

A.J. BRUWER.