Die nuwe brandwag. Tydskrif vir kuns en lettere. Jaargang 1930

[p. 174]

Môrerooi.

Môrerooi, gee my jou karmosyn
vir my wang! Aan my oog, o Dag,
gee jou klaarheid! Son, weef jou draadjies fyn
deur my haar! Maak my wys, o Nag!

Suis deur my siel, jou melodie,
Sefier! Met soet van die roos
vul dit, o Flora! Met diepte, o See!
Op jul vlerk voer my vreugdetjies broos
van die vliedende oomblik, o vooltjies! En ag!
my Liefste sal vind in my
die Skoonheid wat sterf met die sterwende Dag;
die Skoonheid wat ewig bly.

NIGGIE VAN EITEMAL.