Die nuwe brandwag. Tydskrif vir kuns en lettere. Jaargang 1930

[p. 102]

Najaar-Sonskyn.

Op so'n dag - O, man, op so'n dag

Het Pallas uit die hoof van Zeus gespring,

Apollo vir die Python-draak verdring

En Herakles verskyn in al sy mag.

Teen mense-plae; O, en skeppingskrag

Dwing digters wat vergeet het om te sing,

Penseel en beitel - ritmies ongedwing

Werk hul: die Lewensstroom vloei diep en sag.

Het ooit die heuwels, opgespring soos nou,

So trillend-vol van lewe wat wil breek

Deur wonder van die sonverligte blou

En bruis met inspirasie honderdmaal

Oor jeugd wat smag om skoonheid uit te spreek

Daar op die Hoogveld van ons ou Transvaal?

T.J. HAARHOFF.