Die nuwe brandwag. Tydskrif vir kuns en lettere. Jaargang 1930

[p. 94]

Ons Groot Geheim.

(Aan H.)

Wat het Vader Son gedink,
Aars'lend op die slingerlyn,
Eer hy weggesak het in
Sy weeldebed van karmosyn?

Wat het Moeder Nag gesê
Toe haar mantel van verweel
En die skeemring van haar hare
Langs die berg en bosse streel?

Wat het Suster Maan bedoel,
Toe in blanke bruilofstooi
Sy haar laggies soos konfettie
Oor die dou-nat grassies strooi?

Wag, die wilgerboom word wakker,
En die windjies dwaal hier rond -
Dis 'n groot geheim, Hestella,
Laat my fluister by jou mond.

EITEMAL.