Die nuwe brandwag. Tydskrif vir kuns en lettere. Jaargang 1930

[p. 92]

Digterwraak.

(Aan F.v.d.H.)

Die wêreld het 'n krans gevleg
Uit disteldorings van geluk,
Met doodgebore liefdeblomme
Vloekend tussenin gedruk,
En daarmee onder spot en hoon
Sy hoof bekroon.

Die doringkroon met dooie blomme
Het in digterskap ontbloei
Tot skoonheid, immortelle wat
Getuigend op sy graf sal groei
Tot eens met sterre, son en maan
Ook God vergaan.

EITEMAL.

[p. *17]

J.H. PIERNEEF:
TWEELINGE, STELLENBOSCH.
(In die besit van Prof. A.E. du Toit.)