Die nuwe brandwag. Tydskrif vir kuns en lettere. Jaargang 1930

[p. 28]

Eleanor.

Soos die dou in die môrestond, lieflik en skoon,
Gekus deur die son en gestreel deur die wind,
En getroetel deur wiegende grassies, geswind
Die ligstrale weergee, met kleure gekroon;
Soos 'n spelend, onskuldige kindjie, gewoon
Aan die troet'ling van ouers deur wie hy as kind
Versorg en beskerm word, gelief en bemind,
Sy dae verspeel sonder bangheid of skroom:
So is jy vir my, Eleanor, my lief,
Skoon van aanskyn en siel, en beminlik
In jou natuurlik eenvoudige skoonheid;
En jou eenvoud vind aanklank in my gemoed,
En verdryf daar die wêreld, opgesmuk en sinlik,
En ek word soos 'n kind, sonder sorg, sonder skroomheid.

P.J. YOUNG.

[p. *6]

ANTON VAN WOUW:
PRESIDENT KRUGER IN BALLINGSKAP.