Zechri Maasyam, des conincs zoen, ende oec Elcana, des conincs raet. Ende die van Ysrahel die namen uut Judeen 200.000 wiven, knechtgins ende meistgins, ende een ontallike roef ende brochten in Samarien.
Ende doe quam daer een propheet Gods, hiet Oded. Die ghinc tot den princen van Samarien ende seide: "Siet, uwen vaderen God die is toornich op Judeen. Daerom heeft hise in uwen handen gegeven. Ende gi hebtse jammerlic verslegen. Ende daertoe heb gi die vrouwen, die meystgins ende die knechtgins gevangen, dat niet en betaemt, want gi hebt sonden op die sonden gedaen. Mer hoert minen raet ende sent die gevangen weder thuus, want si horen uwen broederen toe, want dien toorn Gods die sel op u comen." Doe stonden daer die princen van den kinderen van Effraym, als Azarias, Barachyas, Jezechias ende Amazias. Die seiden tot dengenen die uut den strijt quamen: "Brenct die gevangen hier in der stede niet, opdat wi jegen God niet en sondigen. Waerom wil gi meer sonden doen op die oude sonden?" Doe gaven die mannen den roef over die si gebrocht hadden voir die princen ende voer dat gemeen volc. Doe namen die princen die gevangen. Ende so wie daer naect waren, die cleden si ende gaven hem scoen an haer voeten. Ende si gaven hem eten ende drinken. Die daer gequetst waren, die
Auteursrechtelijk beschermd