14 capittel
Ende dit is die besittinge der kinder van Ysrahel int lant van Chanaan dat hem Eleazer ende Josue deelden mit den gemenen princen.
Doe quam dat geslacht van Judas tot Josue in Galgala. Ende doe seide Calef tot hem: "Josue, en gehoecht u niet dat God sprac tot Moyses in Cades van u ende van mi, doe wi dat lant besien hadden ende ic seide wat mi best docht wesen? Mer mijn bruederen die mit mi waren, die verkeerden dat hert des volcs, dat si int lant niet en wouden. Ende ic woude dat gebot Gods volgen. Doe swoer Moyses in dien dagen ende seide dat dat lant mijn soude wesen ende mijn kinderen tot in der ewicheit. Ende daerom heeft mi God ge\sontheit
Auteursrechtelijk beschermd