15 capittel
Judas geslacht hadde dat lant tot sinen deel van Edom ter woestinen toe ende voert al die landen als dat capittel uutwijst.
Ende Calef die hadde sijn deel van den lande midden onder Judas geslacht. Ende dat was Ebron. Daer sloech Calef drie ruesen doot van Enachs geslacht, als Cesy, Hayman ende Tolmay. Ende doe toech hi voir die stat Dabir, die eerste hietede Caryathsepher; dat is te seggen: `een stat der lotteren'. Doe seide Calef: "So wie die stat Cariathsepher vint ende verslaet dat volc, die sel ic Aram, mijn dochter, geven tot enen wive." Doe ghinc Othoniel ende wan die stede. Doe gaf hem Calef sijn dochter Aram tot enen wive ende gaf hem die stede ende lant daermede.
Auteursrechtelijk beschermd