hi sel haer oec geven enen brief der vriheit ende laetse uut sinen huse gaen. Ende die eerste man en mach dat wijf niet weder nemen tot enen wive.
Ende als een man nyeulinc een wijf genomen heeft, die en sel niet mede te stride varen. Noch men sel hem geen sonderlinghe saken bevelen, mer hi sel ledich bliven in sijn huys ende verbliden hem dat eerste jaer mit sinen wive.
Gi en selt dat loen van den armen arbeider niet missaken, noch onder u laten vernachten, mer geven hem sijn loen van dien dage, eer die sonne ondergaet, want hi moet daerof leven, opdat dat loen niet en roept voir Gode ende gi daer sonde of hebt.
Men sel die vaderen niet doden voir die kinderen, noch die kinderen voir die vaderen, mer een ygelic sel men doden voir sijns selfs sonden. Ende voert sel men doen als dat capittel uutwijst."
Auteursrechtelijk beschermd