Noordnederlandse Historiebijbel

12 capittel

Doe seide Moyses: "Hoert, wat ic u gebiede dat gi doen selt, als gi int lant coemt. Destrueert haer steden, breect die husen daer haer goden in sijn. Ende breect haer outaren ende verbarnt haer beelden. Ende set in uwen steden den naem Gods. Ende offert daer offerhande ende hout u geloften ende die wet als dat capittel uutwijst."