openbaer sel wesen of gi God mint dan niet uut al uwer herten ende uut al uwer gedachten. Gi selt uwen Heer, uwen God, volgen ende Hem ontsien ende sijn geboden bewaren ende Hem dienen. Mer die propheten ende waersagers ende dromers die also liegen, die sel gi doden, want si sellen dat tot u seggen, omdat si u verkeren willen van uwen Here, uwen God, ende doen u dwalen van den wech Gods.
Ende ist dat u brueder, u wijf, of u kint, of u vrient u raet tegen die geboden Gods ende seit: Laet ons hier gaen ende doen dese goden sacrifici: die, u voervaderen ende al die hieromtrent wonen, verre ende nabi, die dienense ende erense. Hoer die luden niet, noch spaertse niet, noch hebt daer geen ontfermenisse over, noch verberchtse niet, mer haestelic dootse ende slaet gi eerst u hant daeran. Ende dan sel u al dat gemeen volc helpen ende worpen mit stenen doot, omdat si u wouden trecken van uwen Here, uwen God, die u uut Egipten geleet heeft. Ende als dat die van Ysrahel horen, so sellen si hem ontsien diergelike dingen te doen. Daerom, dient uwen Heer, uwen God, als dat capittel uutwijst."
Auteursrechtelijk beschermd