11 capittel
Doe seide Moyses: "Mint uwen Heer, uwen God, ende hout sijn gheboden ende bewaert sijn hoechtiden ende sijn sacrificien ende sijn wet. Ende gedenct die mogentheit die God u dede in Egipten, daer gi niet of en weet: hoe Hise geselde ende plaechde ende daerna alle verdranc in dat Rode Meer, doe si u volchden. Ende gedenct hoe Dathan ende Abyron doer die aerde versonken mit al dat si hadden.
Oec heb gi wonderlicheit gesien mit uwen ogen dat God hier in der woestinen gedaen heeft. Daerom, hout sijn geboden ende doet voert als dat capittel uutwijst."
Auteursrechtelijk beschermd