4 capittel
Doe seide Moyses tot den kinderen van Ysrahel: "Hoert die wet Gods ende die geboden ende die rechten die ic u leren sel. Bewaert die ende doetse, opdat gi moecht leven ende dat lant moecht besitten dat u God sel geven. Ende die geboden die ic u toespreec ende u God geboden heeft, duet daer niet toe, noch en doet daer niet of, mer doetse alst u God geboden heeft. Ende leertse uwen bruederen ende uwen neven ende uwe vrienden, want gi hebtse selve van den monde Gods gehoert van den berch Oreb. Ende daerna heeftse God gescreven in twee stenen tafelen. Daerom, bewaertse wel ende weest daer sorchvoudich voir." Voert seide hem Moyses hoe si in dat lant leven souden, als dat capittel uutwijst.
Auteursrechtelijk beschermd