Noordnederlandse Historiebijbel

39 capittel

Doe maecten die meesters die clederen, daer Aaron ende sijn kinderen

[fol. 50vb]

Gode in dienen souden. Eerst dat lynnen cleet, dat Aaron an soude hebben. Daerna dat viercante cleet mit die duerbaer gesteenten. Ten dorden dat lange cleet mit den caproen. Daer hingen an 72 vergulden bellen ende appelen van garnaten. Ende Aarons kinderen maect men lynnen clederen ende miteren ende al costelic vercyert.

Doe alle die dingen volmaect waren, als God geboden hadde, ende Moyses dat over al gesien hadde ende vanttet al volmaect, doe gebenedide hijt al.