Noordnederlandse Historiebijbel

38 capittel

Doe maecte hi dat coperen outaer, daer men sacrifici op dede, ende die potten, roesteren, tangen, ende ander dinc dat daertoe diende, als hem God geboden hadde.

Doe maecte hi die tent of die rincmuer om die tabarnakel, als voirseit is, 100 cubitus lanc, 50 cubitus wijt ende vijf cubitus hoech.

Doe decte men die tabarnakel boven mit decselen, als voirseit is.