31 capittel
Doe seide God tot Moyses: "Ic sel twee mannen daertoe scicken die dat voirgenoemde werc maken sullen, als Bezelehel, die is van Judas geslacht, ende Caliab, die is van Dans geslacht. Die twee sel ic vervollen mit den geest Gods, in wijsheit ende in verstant ende in wetenheit om dat voirgenoemde werc te volmaken."
Doe seide God tot Moyses: "Sect den kinderen van Ysrahel dat si den sabaoth bewaren ende heiligen. So wie datten besmit, die sel den doot sterven. So wie op dien dach enich werc doet, sijn siel sel vergaen van sinen volc. Ses dagen sel gi wercken. Op den sevenden dach sel gi rusten, want dien dach heeft God geheilicht."
Doe screef God mit sinen vinger in twee stenen tafelen die 10 geboden ende gafse Moyses.
Auteursrechtelijk beschermd