30 capittel
Doe seide God tot Moyses: "Gi selt een outaer maken van hout van cethim, een cubitus lanc ende een cubitus breet ende 2 cubitus hoech. Ende daer sel men in doen welrukende specien die men in die tabarnakel besigen sel. Ende om dat outaer maket een gouden croen ende an elken hoec enen gouden rinc, ende grendelen daerdoer ende die vergult. Ende dat outaer set in die tabarnakel bi der gordinen. Ende daer sel men op offeren alle welrukende cruden."
Doe seide God tot Moyses: "So wie weten wil die somme van den volc ende dat volc doet tellen, so sel een ygelic mensche Gode offeren, opdat hi niet geplaecht en wort, enen sulveren penninc die 10 hallinc waerdich is. Ende die men tellen sel, die sel out wesen 20 jaer of daerboven. Die rijc is, die en sel niet meer offeren dan die arm is, ende die arm is, en sel niet myn offeren. Ende dat gelt sel bliven in die tabarnakel tot enen ewigen gehoechnisse."
Doe seide God tot Moyses: "Gi selt maken een coperen watervat. Ende set dat in die tabarnakel bi den outaer ende doet daer water in, omdat Aaron ende sijn kinderen haer handen ende haer voeten mogen dwaen, als si ten outaer gaen ende sacrifici doen."
Doe seide God tot Moyses van wat cruden daer hi die oly of maken soude, daer hi Aaron ende sijn kinderen mede
Auteursrechtelijk beschermd