Dit sijn die kinderen, die hi by Lya hadde. Die outste hiet Ruben. Ende Ruben die wan 4 kinderen, als Enoch, Phallu, Esrom ende Charym. Die ander hiet Symeon ende hadde ses kinderen, als Yemuel, Yamyn, Aboth, Yachim, Saber ende Saul. Die dorde hiet Levy ende hadde 3 kinderen, als Gerson, Caath ende Merari. Die vierde hiet Judas ende hadde vijf kinderen, als Her ende Anon, Sela, Phares ende Sara. Mer Her ende Anon die storven beide in Canaan. Ende Phares die hadde twee kinderen, als Esron ende Amul. Die vijfte hiet Ysachar ende hadde 4 kinderen, als Thola, Phua, Job ende Semron. Die seste hiet Zabulon ende hadde 3 kinder, als Zareth, Elon ende Yahelel. Dat waren die kinderen die Jacob hadde by Lya in Mesopothanien, ende oec een dochter, hyet Dyna. Ende by Lyen dienstmaecht Zelpha so hadde Jacob twee kinderen, als Gad ende Azar. Gad hadde 7 kinderen, als Zephoy, Aggi, Sumy, Esebon, Bery, Arody ende Arely. Azar die hadde 4 knechts ende een dochter, als Janne, Yesua, Yesay ende Berya. Sara, haer suster, hadde 3 kinder, als Berya, Heber ende Melschiel. Jacob hadde bi Rachel 2 kinderen, als Joseph ende Benyamin. Joseph hadde in Egypten twee kinder bi Asseneth, Putifers dochter, als Manasses ende Effraym. Ende Benyamin die had\de
Auteursrechtelijk beschermd