Niederrheinische Liederhandschrift von 1574

[fol. 124r]

[Mit freůden hanthierenn]

1. Mit freůden hanthierenn,
Jn diese qůatierenn,
důrch Venůs manierenn,
Sehr triůmphant,
Ein ieglicher nem sein liebgen [b]ey der handt,
Cůpido sol vnns thůen beysthandt,
Al důrch das fewr,
důrch Fraw Venůs bandt.

2. Auß gunstiger minnen
Wir zwey es beginnen,
vmb trost zů gewinnen,
Zů aller stůndt,
Jch bin mit liebten gar důrchwůndt
Beůdt mir schoen lieb deinen roeten můndt
macht mich ewren armen dienern gesůndt.

[fol. 124v]

 

3. Wir willen vns paren,

 

allen trůck lassen fahren,

 

Kein freůden nicht sparen

 

ist mein bedacht,

 

Ewr liefden brengt mich in groese klagh,

 

Er anschein erfrewet mich al den tagh,

 

Gleich der nimmer kein leidn en sagh

 

 

 

3. Princesse gepriesenn,

 

last mich ewr diener wesen,

 

Jr kůndt mich genesenn,

 

aůs deser qůal

 

Kůmpt troestet ewren diener,

 

mit ewrem anschein klar,

 

dan die liebte felt mich vil zů schwar

 

vmb der neider willen ist es offenbar.