Niederrheinische Liederhandschrift von 1574

[fol. 122r]

[Wahr seidt ihr nhů mein lieff]

1. Wahr seidt ihr nhů mein lieff
Das ihr nicht kůmpt vůr mein Finsterlein stahn,
vnnd wilt von mir entgahn,
Der mey bringt vns die bloemlein schoene.

2. Vnd stůndt ir diesse liebe lange nacht,
Jch důrft eůch nicht inlaessenn,
Jr seidt vo[n] solcher loeser art,
Jr mocht mich wol betriegenn, beliegenn.

[fol. 122v]

 

 

 

3. Edle roeß von Jericho,

 

mein hertzallerliebste aůsserkohrenn,

 

Gib mir ein trostlich wortt,

 

So mag ich troest erwerbenn, Erwerben.

 

 

 

4. Wahr seidt ir nhů mein lieff,

 

mein leiden můes ich eůch klaegen,

 

Wol von dem allerliebsten mein,

 

Darnach steht mein verlangen, verlangenn.

 

[fol. 123r]

 

 

 

5. Was hilfft mir al mein klagh,

 

mein sůchten vnd a[ůch] mein karmen,

 

Der ich der liebster [war]

 

Dar ligt ein ander in den armen, Armen.

 

 

 

6. Jch meindt ich were der liebster gewest

 

Einen Eidt hat sey mir geschwoerenn,

 

Es kam ein ander dar,

 

den hat sey aůsserkohrenn, aůsserkohrenn.

 

[fol. 123v]

 

 

 

7. Sulchs vntraů hat sey mir gethaen,

 

wer solt sich darůůr hůedn

 

Jr loeser falscher můndt

 

Hat mich gebracht [in l]aster inn schanden.

 

 

 

8. Want niemandt gibt mir troest

 

vonn trůck so můes ich sterbenn

 

Gib mir ein troestlich wort,

 

so magh ich troest erwerbenn, erwerbenn.

W, J, N, B, D, K, S,
D, K, D, H, M,¹

J. E.

1 A. Kopp: Wan ich nich bey dir kan sein, Das krenckt das hertze mein.