Actus apostolorum. Der aspotele werke praefationes in actus apostolorum
Hier beghint de prologus op Actus Apostolorum.
Lucas de ewangeliste scrijft dit Theophilusse, dat de Here Ihesus geboet na dopverstennesse sinen apostelen, datse niet en gingen van Iherusalem eerse ontfaen hadden de gave tsheilechs geests. Den Here wert gevraget, wanneer hi soude wedersetten trike van Israhel. Hi antwerdde, dat geset ware in de mogentheit des vaders. Nochtan seide hi dontfenckenesse tsheilechs geests ende dat dapostelen souden sijn sijn getugen in alde werelt.
Dwerc der apostele scijnt seker ludende een bloete hystorie ende wevende de joncheit der geborender kerken; maer eest dat wi bekinnen Lucam haren scrivere, des welcs lof in dewangelie es, so vernemen wi te gadere alle sijn woerde sijnde medicine der quelender sielen.
De psalmiste scrijft: Si selen gaen van doegeden in doegeden. Domunion ende Rogaciaen alre liefste, lesten haddi Pauwels des apostels epistelen getranslateert in een volumine; ghi dwingt mi te translateerne dwerc der apostele in Latine, welken boec gemaect es sonder twivel van Lucasse van Anthiochien, in conste medicijn, die namaels dienende den apostel Pauwelse worden es Christus discipel. De groetheit des wercs, dat mi dic\wile
Auteursrechtelijk beschermd