.
Ic ben seer verblijdt, want ic vonden hebbe van uwen sonen, wandelende in der waerheit also als wi gebod ontfaen hebben vanden vader. Ende, vrouwe, nu biddic u, niet alse u scrivende een nuwe gebod, maer dat, dat wi gehadt hebben van beginne, dat gi onderlinge mint. Ende dit es minne, op dat gi wandelt na sijn gebod. Dit es tgebod op dat gi daer in wandelt also gi van beginne gehoert hebdt. Want vele verleiders sijn uut gegaen in de werelt, die niet en belien, dat Ihesus Christus comen es in den vleessce. Dese es een verleidere ende antkerst. Besiet of merct u selven, op dat gi niet en verliest die dinge, die gi gewracht hebdt inden Here, maer op dat gi ontfaet vollen loen. Want sijt wetende, dat en yegelijc, die vore geet ende niet en blijft in de leeringe Christi, die en heeft Gode niet, die in der leeringen blijft, die heeft den sone ende den vader. So wie tot u comt ende dese leeringe niet en bringt, en wiltene niet ontfaen in den huse noch en segt tot hem niet: God gruete u. Want so wie tot hem seget: God gruete u, hi maect hem gemeine met sinen quaden werken. Siet, ic hebdt u voerseit op dat gi niet geconfuust en werdt in den dage ons Heren Ihesu Christi.
Ic hebbe u meer din\ge
Auteursrechtelijk beschermd