Nieuw-Jaar-Lieden. Deel 2
(1619)–Anoniem Nieuw-jaar-lieden–
Auteursrechtvrijop de voys: 'tIs huyden een dach van vrolijckheydt, &c.RIjst uyt den slaep der sonden snoot,
VVeest vvacker en voorsichtich:
Siet op o mensch! 'tis hooghe noot,
VVant die saeck is so vvichtich.
Van d'aerdsche schat sy niet belangt;
Maer daer u salicheydt aenhangt.
| |
[Folio A4r]
| |
Het hoochste goedt verkoren.
Den ouden mensch vvillich versaeckt,
VVilt ghy ziin als een kindeken naeckt
Vernuvvt ende herboren.
Den ouden tiidt is snel voorheen,
Gheliick een vvindt ghedreven:
Maer d'oude mensch berooft van reen,
Is oudt en boos ghebleven.
VVaer in dat hy verhart, verstiift,
Door d'oude lust die hem soo driift
In 'svverelts vals behaghen.
Die moetvvillich in sonden bliift,
En met God niet is ingheliift,
Die salt te laet beklaghen.
Tracht nu (de nuvve tiidt begint)
Nae nuvve goede sinnen:
Den nuvven mensch God seer bemint,
Die met nuvv liefd' beminnen
Ziin VVaerheydt, ziin VVoordt, ziin Leer,
Met nuvv vertrouvven inden Heer.
Die mensch mach hem verblyen:
VVant Godes gunst, Gods heyl vol eer,
Gods zeghen sal nae ziin begeer
Hem seer ghebenedyen.
Die d'oude boosheyt staech behaecht,
| |
[Folio A4v]
| |
En kiest tot ziin vermaken,
Die vvert int leste hart gheplaecht
Met klaecheliicker vvraken.
Een verschrickeliick loon van't quaet
Sal volghen nae de boose daet.
Och menschen laet het quade,
Bekeert u nu eert is te laet,
Devviil den toegang open-staet
Tot de kroon der ghenade.
Die voor d'oude valscheydt gruvvt,
En 'toude quaet recht haten,
die vverden inden gheest vernuvvt,
En Gods nuvve lidtmaten.
De Heer vernuvvt dan haer ghedacht:
De Heer die gheeft haer versche kracht:
De Heer vervormt haer vvenschen:
De Heer heeft op dit nuvv-volck acht:
De Heer beschermt dit nuvv-gheslacht.
VVel salighe nuvv menschen.
| |
Prince.Gheeft Heer dat vvy dit nuvve Iaer,
In nuvve deucht besteden,
Verleent ons menschen altegaer
Een nuvv salighe vrede.
Vader gheeft dat ons hert en gheest
V kinderliicken eert en vreest
| |
[Folio A5r]
| |
Ootmoedich en bequame:
En maeckt ons Heer nae uvven vvil
Gods-vruchtich, heylich ende stil,
Als nuvvelinghen. Amen.
G.A. Brederood. 't Kan verkeeren. |
|