Nieu groot Amstelredams liedt-boeck

Inhoudende Alderhande Tafel, May, ende andere Amoureuse Liedekens seer vermaeckelijck voor alle Ionge Lieden

[Schoon Lief waer sal ic henen keeren]

Op de wijse: Quand sera ce ma Maistresse.

Schoon Lief waer sal ic henen keeren
Die nu leef van u absent?
Moet ick u liefde ontbeeren,
Noyt en leedt ick meer torment:
want door u wesen // lieflijck ghepresen,
Ben ick gheheel ghewont,
End’ u fraye manteren
Seer goedertieren // maken mij hart ghesont.

Waerom is myn harte tot asschen

Niet verbrandt, myn liefste greyn?
want myn ooghskens veel te rassche
weenen ghelijck een Fonteyn,
waer door myn leden
Zijn vol onvreden // en lyden groote smart,
Om u Ionckvrouwe,
Suyvere kersouwe, neemt doch op my regart.

Heb ick niet om u gaen dolen

Over Zee myn lijf ghewaeght?
Die myn hartgen hebt ghestolen,
Wat baet het doch veel gheclaecht?
Niet u ghebieden
Dede my vlieden // van u noch u beveel heel.
Maer vierich minnen,
waer door myn sinnen // waren verlooren.

Ick dochte als ick u ghesichte

Derven soude, myn Lief eerbaer,
Dat my t’hart dan soud’ verlichten,
Maer t’ontrorte vind’ ick waer,
Want Lief u deuchde
En jonge jeuchde // die comt my daghelijcks veur,
maer deur myn herte
Lijdt pijn en smerte // en doet dat ic labeur
T’staet altemet in u handen,
Mijn leven ende mijn doot,
Ghy meucht my brenghen in schanden,

[p. 180]

 

Oft verlossen uyt grooten noot,

 

Veel meerder glorie

 

Ende victorie // sult ghy vercrijghen siet

 

Ist dat ghy tleven

 

My weer gaet gheven // die ligh in swaer verdriet.

 

Princesse wat sout u mogen baten,

 

Dat ick sterf o Lief minjoot?

 

Wilt my doch Liefken niet laten,

 

Maer doen rusten in u schoot,

 

Soo sal ick blyven

 

Vreuchde bedryven // u Lief altijt ghetrou,

 

Moet ick u derven,

 

So sal ick sterven // van druc ende van rou.