Nieu groot Amstelredams liedt-boeck
(1605)–Anoniem Nieu groot Amstelredams liedt-boeck–
AuteursrechtvrijInhoudende Alderhande Tafel, May, ende andere Amoureuse Liedekens seer vermaeckelijck voor alle Ionge Lieden
[pagina 143]
| |
Op de wijse: Alst begint.Schoon lief wat gaet ghy brouwen
Dat ghy my dus verlaet
Eylaes het sal mijn wel rouwen
Dat ick O Maechdelijck zaet
Ginck stellen mijn betrouwen
Op u woordekens delicaet, by Dalida de schoone
Mach ick u ghelijcken wel
Die Sampsom t’hayr ydoone
Afsneet door valsch opstel, also crijch ick nu loone
Van u seer quaet en fel
Ick gheloofde t’samblant der ooghen
Die ghy my lief ginck tooghen
Een amoureus gebaer, het dunckt my cleyne maer
V woorden zijn gheloghen
Waer door ick ben bedroghen,
Dees faute vind ick waer, dus seg ick voor en naer
Adieu schoon lief eerbaer.
Mijn liefde sal wel verrouwen,
Al is sy nu wat heet, daer zyn meer schoone Vrouwen
Wijs eerbaer en discreet
Ick en sal u niet meer benouwen,
Wie dat het sy lief of leet
wat leyt aen my bedreven,
Daer zynder veel schoonder certeyn
Mannen als boomen verheven
Die noch leven int aertsche pleyn
Dat ghy my hebt begeven, om dat ic was te cleyn
dat gady lief verspreyen, also ic hoorde greyen
Van een yeghelijck openbaer
Dat dunckt my een cleyne maer
Al gady dit verbreken, ick wilder niet om schreyen
Ick acht u niet een hayr, kiest vry een aer,
Adieu schoon lief eerbaer.
Adieu O roosken ghepresen
Adieu daer mijn troost op stont
Adieu ick was ghenesen,
Met een kusken aen u rooder mondt}
Adieu het moet nu wesen,
| |
[pagina 144]
| |
Adieu en blijft ghesontAdieu ick neem myn keere
Nae u eere heb ick ghestaen
Adieu ick com niet weere, ick heb my beter beraen
Ick denck daer zijnder meere
Diet t’pat hebben ghegaen,
Meyndy dat ick sal treuren
En t’hert van binnen scheuren
van druc angsy en vaer, om u liefken eenpaer
Neen t’sal so niet ghebeuren,
Nae een ander sal ick speuren
Ick denck daerom niet een hayr
Dus peynst ghy vry om een aer
Adieu schoon lief eerbaer.
Adieu ick maeck een ende
Ghenoech meuchdy verstaen
Van tgeen ic u hier sende, o princelicke graen
Te vooren ick om u stende
Dat is nu al gedaen dit quam al door u wesen
Dat ghy een yder toont
Seer lieflijck ghepresen,
Ick wasser mede gheloont
Sy sullen noch by desen, als ic worde geloont
Met leughens ginck sy my payen,
En oock twee ooren aen naeyen,
Ten viel my niet swaer, ic wil dach en jaer
Van u wel zijn verscheyden
Ick sou om u niet schreyen
Noch maken groot misbaer,
Van u neem ick myn verhaer
Adieu schoon lief eerbaer.
|
|