Nieu groot Amstelredams liedt-boeck

Inhoudende Alderhande Tafel, May, ende andere Amoureuse Liedekens seer vermaeckelijck voor alle Ionge Lieden

[p. 87]

[Schoon lief playsant, dat nieuwe liet ontfangt]

Op de wijse: Alst beghint.

Schoon lief playsant, dat nieuwe liet ontfangt
In liefde triumphant, sal te u dienaer wesen
door Venus brant, ontgaet al mijn verstant,
Ontbint my desen bant, ghy cont my Lief ghenesen,
Mijn druc versacht // ghy hebt de macht,
door liefden cracht // schoon lief daer ick nae beye,
Hebt op my acht, verhoogt alle mijn clacht
daer ick na wacht, in dese coelen meye.

waerdy eens Vroet, wat pijn te lijden moet

Ghy zijt die my doet // nochtans ick u beminne,
Mijn lijf en goet, ja ooc mijns herten bloet,
Is voor u liefken soet // hoe wel ick niet en winne,
Och voelde ghy // wat pijn ick om u ly
En waer eens vry // van alle druc in dees contreye
dan soude my // dese fantasy
Eens maken bly in dese coele meye.

Schoon lief mintoot // ick sal ontdecken bloot

Mijn lijden zwaer als loot // en ghy meucht my verblijen,
Helpt mijn nu t’is noot // mijn smerte is soo groot
Levendich ben ic doot, ic sterf tot allen tijen,
Want doen wy yet // het wert bespiet
Al eert geschiet, door nijders int ghereye
Doet doch te niet // dit zwaer verdriet
In desen coelen meye.

Hoort en verstaet,Princesse delicaet

Oft u ter herten gaet // dat ghy my dus laet wachten,
Niet en versmaet // u dienaer vroech en laet
Het wort u eygen baet en t’mach mijn druc versachten
segt niet meer neen, maer ja alleen

[p. 88]

 

maect van ons tween // een paer ongescheye

 

Dan sal hem verspreen // van ons also te meen

 

Droefheyt en gheween, In dese toecomende meye.