Nieu groot Amstelredams liedt-boeck



[pagina 70]
[Altijt heb ick gheneucht ghepresen]
Op de wyse: Met gantser bedruckter. Altijt heb ick gheneucht ghepresen Druck noch layt, quam noyt in mijn Mijn dansen, springen, singen lesen Was al vreucht sonder pijn Lustich van sinne // vrolijck van minne Heb ick gheleeft eenpaer Maer mijn goddinne // doet mijn ghewinne Een droevich nieuwe iaer. Mijn sussen, tussen, spelen, clincken En het lontken gins en weer, Mijn boerten, iocken, locken, wincken Mach haer niet vermaecken meer, Dit doet deurkerven, al mijn vreucht sterven Die ick bedreef om haer, Dat ick moet derven, Sal een ander erven, Tot sijne nieuwe iaer. Nochtans en can ick niet misprijsen, Maer goedt liefkens waerdicheyt Die zy altijt ginc bewijsen met beleefde aerdicheit Al gaetse stieren, daer fray manteren Soo vriendelijck tot een aer. Noch sal ickse vieren, offe eens mocht verkieren Int een oft ander iaer. Ick schrijft mijn lief tot gheen ontrouwe Daer sy my verleghen laet Want zy is een schoone vrouwe Cloeck verstandich soet van praet. Weert meerder eeren // dan haer te vermeeren Om my te nemen waer Die niet hoveren, noch kan triumpheren Met haer int nieuwe Iaer. O Venus gheeft my weer een ander Dat mijn sin van dees vergaet Of helpt ons beyd’ weer aen malcander Met haren wil en vrienden raet En dat zy lijen // mijn gunstich vrijen In deuchden kuys eerbaer, En ic my mach vlijen, dicht onder haer sijen
[pagina 71]
Vant een Iaer intaar.