Nieu groot Amstelredams liedt-boeck

Inhoudende Alderhande Tafel, May, ende andere Amoureuse Liedekens seer vermaeckelijck voor alle Ionge Lieden

[VVilt nu, van vreughden hier ontspringhen]

Op de wyse: hout an, ick sal u singen vore.

VVilt nu, van vreughden hier ontspringhen
Voeght u, om u lief eens te bringen
Een Lied wilt haer voor singhen
Bedinghen, een kusken toe,
In deught verheucht, so ghy best meught,
Wert sulcx niet moe.

Drinckt, schinckt, u liefste lief ter eeren,

Singht springt en doet so vreught vermeeren
Maer wilt voor al begheeren
Ter eeren, dat maeghd’lijck saet
Voeght u daer by. tot allen ty,
Haer niet verlaet.

[p. 45]

 

Voor al, wilt doch in deught beginnen,

 

Sy sal, in’t eynd’ u oock beminnen,

 

En vreest gheen nijders spinnen,

 

V sinnen, heel tot haer went,

 

De liefste vraeght, oft haer behaeght

 

V trou seer jent.

 

Dit Liedt, ghy Princen goet van gronde,

 

Gheschiet, uyt liefd’ tot deser stonde,

 

En desen Beker ronde

 

Den monde, mijns liefs comt by,

 

So hoop ic, sonder verdriet, ooc te doen bly