Nieu groot Amstelredams liedt-boeck


Een Ander. Godt is mijn licht, En mijn salicheydt In hem alleen wil ick betrouwen Hy leert en Sticht, door zijn Majesteyt Alle die gheen die op hem betrouwen Zijn goetheyt fijn, sal eeuwich zijn Hy gaet melck en wijn om niet vercoopen Al waert dat hy mijn, heel doode in pijn Nochtans sal ick in hem hoopen Want zijn barmherticheyt staet altijt open. Daerom so sal, mijn siele exelent Alleen desen Heer hier aencleven Die vanden val mijn voet en pertinent Bewaert op dat sy niet en sneven Den bitteren doot, met pijne groot Heeft hy hier mijnjoot, voor ons willen aenvaeten In druck in noot, wil ick myn heel bloot Alleen op hem verlaten Want al der menschen troost, en mach mijn siel niet baten. Lustich met vlijt, gaet ons dit int openbaer Die Propheet Ieremias vertellen Vermaledijt, zijn alle die voorwaer Haer hoop op menschen kinderen stellen Dus soeckt geen raet, aen menschen gewaet Alle vleys vergaet, dit blijckt voor ooghen Hoe sout gheven baet, troost oft hulp dit verstaet Dat selfs niet en is van vermoghen Want alle die voorwaer worden int eyndt bedroghen. Prince playsant, wilt toch met groot begheer,
[pagina 23]
V in dit betrouwen vercloecken Door onverstant, doolen sy al crachtich seer Die elders troost oft hulp gaen soecken Want hy alleen, en anders gheen Heeft voor ons bestreen, den vyant crachtich Dus wilr gemeen, roepen met geween Tot Godt den Vader almachtich Dat hy ons verleen, zijn graey eendrachtich. FINIS.