Eenen nieuvven Antwerpschen liekens-boeck



[pagina 65]
Den Minnaer soeckt sijn lief Te locken door de min Maer sy door een miskief Heeft eenen anderen sin.
Een nieuw Liedeken Op de wijse: Meysken wildy vitsen picken. WAerom soo vliet Ghy my mijn schoon vrindinne, Is u gheschiet Door my ontrouwe minne Ick bid met alder vlijt My doch ghenadich zijt En wilt u reyn trouwe gheven Deucht aencleven Sal ick t’alder tijdt. Mijn weerste lief Mijn troost, mijn wel gheboren Tot u gherief Ben ick mijn uytcoren En weest niet obstinaet,
[pagina 66]
Mijn hoop mijn toeverlaet Maer met u amoureuse leden Wel besneden Comt my doch te baet. Dijn soeten mondt V vriendelijck aenschijn schoone My doch eens iont Soo schenck ick u tot loone Mijn trouwe liefde soet En oock mijn herten bloet Tot dat my sal de doodt versenden Met ellenden Daert al comen moet. Lief of ghy wist Mijn treuren ende kermen T’waer haest verslist Ghy sout mijns ontfermen Want aen u ionghe ieucht Wensch ick gheluck en vreucht En wil met u in eeren paren En vergaren Vruchten vande deucht PRINCE. Adieu Princers V dienaer sal ick blijven Liefste Matres Mijn derf ick (laes) niet schrijven Tot dat den tijdt ons al Vertoonen het gheval Soo ghy my wilt u trouwe ionnen Is verwonnen T’droevich suchten al. Rust in Vrede.