Eenen nieuvven Antwerpschen liekens-boeck

[p. 38]

 

Den minnaer wandelende in den Mey,

 

Vont zijn liefste alleen doen haer gheclach

 

Dies hy versoeckt met seer soet ghevley,

 

Dat hy haer dienaer wesen mach.

Nieu Amoureus Liedeken,

Op de wijse: Prince Susanneken derft wel roemen.

COorts alsser de Sonne begonst te daghen
Soo quam ick met overgroot behaghen
Ghetreden doort groen beloovert hout,
Daer ick een maget heel benout
Gheduerende vont sitten claghen
Om eenen die nu haer by zijn schout.

Sy spraeck en suchten soo menichwerven

Och moet ick nu dus ellendich sterven,

[p. 39]

 

Om eenen die my te minnen plach

 

En smorghens vroech soo haest den dach

 

Soo was hy by my op dees erven

 

En leefden vrindelijck sonder gheclach.

 

 

 

Sijn schaepkens die weyden by mijne Lammen

 

Sijn Ossen: Koeyen: mijn Geyten en Rammen

 

Die leefden vreughdelijck onder een

 

Maer nu soo sijn sy droef ghescheen

 

O Cupido u soete vlammen

 

Sijn nu verandert in seer groot geween.

 

 

 

En zijnder gheen schichten tot mijnder baten

 

O Godt der minnen wiltse aenvaten

 

Is uwen koker van als voorsien

 

Soo laet my dese aer gheschien

 

Anders sal ick mijn leven laten

 

En my ontlijven tot den spijt van dien.

 

 

 

Doen dese woorden haer snaren ontvloden

 

Soo heb ick haer mijnen dienst geboden

 

Ick vraechden hoe dus in eenigheydt

 

Doen heeft sy iammerlijck gheschreyt

 

En riep comt al ghy valsche Goden

 

Vernielt my datelijck niet langh en beyt.

 

 

 

Ick sprack o schoonste hoe zijnder u sinnen

 

Nu doch soo droevich om het beminnen

 

Die u ghelaten heeft in dees pijn

 

Ke laet doch uwe claghen zijn

 

Laet my in ste u liefde winnen

 

Dat ick mach wesen maer den knecht van dijn.

 

 

[p. 40]

 

Ey vrient laet my doch in mijn eenicheden

 

T’wort u minnelijck van my gebeden,

 

Laet my volherden in mijn gheclach,

 

Want ick van geene min meer mach

 

Noch can ghehooren om dese reden

 

Dat ick oyt mijn beminders wesen sagh.

 

 

 

PRINCE.

 

Oorlof Princersse door dese ghedachten

 

Sult, ghy al leuent in liefde smachten,

 

Ist dat ghy soo obstinatelijck leeft

 

Ick bid u dat ghy u begheeft

 

Wilt dit voornemen quaet verachten

 

En met my deuchdelijck liefde aencleeft.

Aencleeft Godts liefde.