Nieuw Amoureus Liedeken,
Op de Wijse: Verheught u al, hier in dit dal.
EYlaes mijn hert, lijdt deur smert
Der wreede minne, veel swaer gequel
Maer een ioncvrouwe, can my uyt rouwe
En swaer benouwe, haest helpen wel.
Sint dat sy boot, met vreughde groot,
My haer seer over soet aenschijn
Werden mijn sinnen, om vreughts gewinnen
Tot haer door ’t minnen, genegen fijn.
Haer wangen ront, en haren mont
Lieflijck bloet verwigh als een roos,
sijn meest doorsake, aenhoort mijn sprake
Dat ick dus blake, heel troosteloos.
Haer borstkens wit, en boven dit
Haer hayrken schoon, haer hooft verciert
Gelijck een croone, ‘k weet geen so schoone,
Als dees persoone, wel ghemaniert.
My gantsch ghestelt in haer ghebiet,
Als sy mijn clachten, met snoo gedachten
Dus gaet verachten, en van my vliet.
Raeckt haer oock met, u schichten net,
Int herte op dat sy oock mach
Behulpich wesen, ende ghenesen
Die nu mits vreesen, sterft dach en nacht
Laet dits mijn bed, dees maeght in sted
Van wreetheyt te toonen voordaen
My eens ontfermen, in haer armen
Soo sal mijn karmen, t’eer zijn ghedaen.
Alleen deur een.
|
|
Auteursrechtvrij