Eenen nieuvven Antwerpschen liekens-boeck



[pagina 14]
Den minnaer knaecht sijn hert, Daer door te kennen gheeft, Wat druck en groote smert Hy om sijn Liefste heeft.
Een Nieuw Amoureus Liedeken. Op de wijse: Comt aen schoon velt-Goddinne oft Daelt nu musa goedertieren. HOe is, mijn teer hert van binnen Fortsich soo door wondt? Ick mis, schier eylas mijn sinnen Haest u Nimph terstont Ghy cont my ghehelpen wel Die om u te minnen Lijde dit swaer ghequel. Seer fel, voel ick mijn hert brandigh Dorsten lief na ou, Wilt snel, my toch sijn bystandigh Eer ick sterf van rou Siet nou, wat ick smerten ly Om dat ghy Tyrannigh V thoont teghen my.
[pagina 15]
Sult ghy my dus doen versmachten In mijn pijn, o schoon, Wildy dan niet eens betrachten, Mijn verdiende loon O croon o mijn Perel eel Doet sijn druck versachten, Die dus lijdt soo veel. Juweele aerdigh dat can wesen Hier op aerdtrijck Tanneel weerdich uytghelesen, Wie is uws ghelijck, ‘k Beswijck al mijn cracht begheeft Ick ben als een verwesen Die gheen macht en heeft. PRINCE. Beleeft sal ick u steets blijven, Mijn weerde Matres Die leeft op hope van beclijven Soo ghy siet expres Princes steunsel van mijn hert Doet van my verdrijven Dees mijn groote smert. Alleen deur een, Iaecques Clouwens.